ဝန်ကြီးချုပ်ပြော
မန္တလေးတိုင်း အစိုးရအဖွဲ့အနေနှင့် ဒေသတွင်းဖွံ့ဖြိုးရေးလုပ်ငန်းများ ဆောင်ရွက်ရာတွင် ပြည်သူကျေနပ်သည်အထိ မလုပ်နိုင်သေးကြောင်း ဝန်ကြီးချုပ် ဒေါက်တာဇော်မြင့်မောင်က ပြောကြားသည်။
မန္တလေးမြို့တော် စည်ပင်သာယာရေး ကော်မတီအစည်းအဝေးခန်းမ ခြောက်ထပ်ဆောင်၌ ဇွန်လ ၂၈ ရက်နေ့က ပြုလုပ်သော မန္တလေးတိုင်းအစိုးရ အဖွဲ့၏ ဒုတိယတစ်နှစ်တာ သက်တမ်း ကာလအတွင်း ပြောင်းလဲတိုးတက်မှု အခြေအနေများနှင့် လုပ်ငန်းဆောင်ရွက်ချက်များ သတင်းစာရှင်းလင်းပွဲတွင် ဒေါက်တာဇော်မြင့်မောင်က ပြောကြားလိုက်ခြင်းဖြစ်သည်။
“ရတဲ့ဘတ်ဂျက်နဲ့ ဖွဲ့စည်းပုံ အခြေခံဥပဒေရဲ့ ကန့်သတ်ချက်တွေ ကြောင့် ပြည်သူတွေကျေနပ်လောက် အောင် မလုပ်နိုင်သေးတာကို တွေ့ရတယ်” ဟု ၎င်းက ဆက်လက်ပြောဆိုသည်။
ယင်းသို့ မဆောင်ရွက်ပေးနိုင်ခဲ့သော်လည်း လက်တွေ့ အောင်မြင်မှုများအနေနှင့် ကျေးလက်မီးလင်းရေး၊ ကျေးလက်လမ်းများ ဖောက်လုပ်ပေးခြင်းတို့ လုပ်ဆောင်ပေးခဲ့ကြောင်း ဝန်ကြီးချုပ်က ထပ်မံပြောကြားသည်။
ပြီးခဲ့သော ဘဏ္ဍာနှစ်အတွင်း တင်ဒါ ပိုလျှံငွေများအဖြစ် ကျပ်သန်း ၁၁,၂၆၁ ဒသမ ၈၁၅ ရရှိခဲ့ကြောင်း၊ ရင်းနှီးမြှုပ်နှံ မှုများ တိုးတက်လာအောင်လုပ်ဆောင်ခဲ့ ရာတွင် ပြည်ပရင်းနှီးမြှုပ်နှံမှုအဖြစ် အမေရိကန်ဒေါ်လာ ၃ ဒသမ ၂ ထရီလီယံ ရရှိခဲ့ကြောင်း၊ ပြည်တွင်းရင်းနှီးမြှုပ်နှံမှုအဖြစ် ကျပ်ဘီလီယံ ၄၈၇၂ ထိ ရင်းနှီးမြှုပ်နှံမှုများ လုပ်ဆောင်နိုင်ခဲ့ကြောင်း မန္တလေးတိုင်း အစိုးရအဖွဲ့ ထုတ်ပြန်ချက်အရ သိရသည်။
မန္တလေးတိုင်းအစိုးရအဖွဲ့သို့ နိုင်ငံ တော်အစိုးရက ချထားပေးသော ဘတ် ဂျတ်ငွေများထဲမှ တစ်နှစ်လျှင် ကျပ်သန်း တစ်ထောင်နှုန်းဖြင့် ၂ နှစ်တာ ကာလ အတွက် ကျပ်သန်းနှစ်ထောင်ကို ပညာရေးလုပ်ငန်းအတွက် ကျပ် ၄၀၂ဒသမ ၈၂ သန်း၊ မီးလင်းရေး လုပ်ငန်းအတွက် ကျပ် ၇၃၇ ဒသမ ၈၉ သန်း၊ လမ်းလုပ်ငန်း အတွက် ၇၆ ဒသမ ၈၆၀ သန်း၊ တံတား လုပ်ငန်းအတွက် ကျပ် ၃၆၇ ဒသမ ၅၀၀ သန်း၊ ရေရရှိရေး လုပ်ငန်းအတွက် ကျပ် ၃၅၂ ဒသမ ၆၀၀ သန်းနှင့် အခြားဖွံ့ဖြိုးရေး လုပ်ငန်းများအတွက် ကျပ် ၆၁ ဒသမ ဝ၇၁ သန်း အသုံးပြုခဲ့ကြောင်း ဖော်ပြထားသည်။
“လက်ရှိ မန္တလေးတိုင်းအစိုးရအဖွဲ့ရဲ့ လုပ်ဆောင်ချက် အားလုံးဟာ အရင် အစိုးရထက် အများကြီး ဆိုးနေတယ်။ ဒါတွေဟာ ဘတ်ဂျက်ကိစ္စနဲ့ မဆိုင်ပါဘူး။ နောက်ပြီး ၂၀၀၈ ဖွဲ့စည်းပုံနဲ့လည်း လုံးဝ မပတ်သက်ပါဘူး” ဟု မန္တလေးမြို့မှ တောင်သူ လယ်သမားအရေး တက်ကြွလှုပ်ရှားသူ ဦးအေးသိန်းက ပြောကြားသည်။
ယင်းသတင်းစာ ရှင်းလင်းပွဲသို့ မန္တလေး ဝန်ကြီးချုပ်နှင့် အစိုးရအဖွဲ့ဝင်များ၊ တိုင်းအဆင့် ဌာနဆိုင်ရာတာဝန်ရှိသူများ တက်ရောက်ခဲ့ကြသည်။
the Voice news
No comments:
Post a Comment