မြန်မာနိုင်ငံကုမ္ပဏီများ အက်ဥပဒေ(၁၉၁၄)နှင့် (၁၉၅၀) အထူးကုမ္ပဏီ အက်ဥပဒေများဖြင့် မှတ်ပုံတင်ထားသည့် ကုမ္မဏီများ အားလုံး ယခုနှစ် သြဂုတ်လမှ စတင်ကာ (၆)လအတွင်း အွန်လိုင်း မှတ်ပုံတင်စနစ်ဖြင့် ပြန်လည် မှတ်ပုံရမည်ဟု မြန်မာနိုင်ငံ ရင်းနှီးမြုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှ သိရသည်။
"မြန်မာနိုင်ငံကုမ္ပဏီများ ဥပဒေ (၂၀၁၇)ရဲ့အာဏာ စတည်တဲ့ အခုနှစ်(၈)လပိုင်းက စတင်ပြီး ကုမ္ပဏီတွေကို Electronic မှတ်ပုံတင်စနစ်နဲ့ ဆောင်ရွက်မှာပါ။ ဒါကြောင့် ကုမ္မဏီတွေ အနေနဲ့ အွန်လိုင်းစနစ် ပြောင်းလဲဖို့ လုပ်ဆောင်ရမှာ ဖြစ်ပြီး အခမဲ့ဆောင်ရွက်နိုင် မှာပါ"
ဟု ကုမ္ပဏီများညွှန်ကြားမှုဦးစီးဌာနမှ အကြီးတန်းအရာရှိတစ်ဦးကဆိုသည်။
ကုမ္ပဏီများ ညွှန်ကြားမှု ဦးစီးဌာနတွင် မှတ်ပုံတင် ပြုလုပ်ထားသော်လည်း အမှန်တကယ် အလုပ်လုပ်ခြင်းမရှိသည့် ကုမ္ပဏီများကို ပြန်လည် စိစစ်ရန်နှင့် ကုမ္ပဏီ မှတ်ပုံတင် လုပ်ငန်းများ လွယ်ကူမှု ရှိစေရန် အွန်လိုင်း မှတ်ပုံတင်စနစ်သို့ ပြောင်းလဲခြင်း ဖြစ်သည်ဟု သိရပါသည်။
ကုမ္ပဏီများအနေဖြင့် Myanmar Companies Online (MyCO) စနစ်ကို ပြောင်းလဲရာတွင် လိုအပ်သည့် အချက်အလက်များကို ထပ်မံ ကြေညာပေးသွားမည်ဖြစ်ပြီး သတ်မှတ်ထားသည့် ကာလ (၆)လအတွင်း ဆောင်ရွက်ရမည်ဖြစ်သည်။
ကုမ္ပဏီအားလုံး (၂၀၁၉)ခုနှစ် ဇန်နဝါရီလ(၃၁)ရက်နေ့တွင် နောက်ဆုံးထား၍ (MyCO) စနစ်ကို ပြောင်းလဲရန် လိုအပ်ပြီး ယခုနှစ် သြဂုတ်လ ၁ ရက်နေ့မှ စတင်ကာ (MyCO) စနစ်ဖြင့်သာ ကုမ္ပဏီလုပ်ငန်းများကို ဆောင်ရွက်သွားမည်ဟု အသိပေးထားသည်။
